Картын луйврын эрсдэлээс сэргийлэх зөвлөмж

Худалдаа үйлчилгээний байгууллагууд болон онлайнаар худалдан авалт хийхдээ картын луйврын эрсдэлээс хэрхэн сэргийлэх талаарх зөвлөмжийг хүргэж байна.

Худалдаа үйлчилгээний байгууллагад:

• ПОС,АТМ төхөөрөмж дээр картаа уншуулахдаа ПИН кодоо алдахаас сэргийлэх.
• ПИН кодоо үйлчилгээний ажилтанд хэлэхгүйгээр өөрөө оруулах.
• ПИН код, картын дугаар хүчинтэй хугацаа, CVV, E-code гэх мэт картын мэдээлллээ бусдад дамжуулахгүй байх.
• Бусдад картаа дамжуулахгүй байх

Аялахдаа:

• Шаардлагатай үед банктай холбогдох сувгууд, лавлах дугаарыг мэддэг байх.

1. Утсаар холбогдох: 1800-1646
2. Гадаадаас холбогдох: (Viber): 9944-1646
3. И-мэйл хаяг: mail@golomtbank.com

• Картаа хаясан тохиолдолд Смарт банк болон Интернэт банкаар картаа блоклох, интернэт худалдааны эрхээ хаах зэрэг арга хэмжээг цаг алдалгүй авах.
• Дансны хуулгаа тогтмол шалгах.

Онлайн худалдаа хийхдээ

• Онлайнаар худалдан авалт хийхдээ вэбсайтын найдвартай, аюулгүй байдлыг шалгах. Аюулгүй байдлын шаардлага хангаагүй вэбсайтад картын мэдээллээ оруулахгүй байх.
• Худалдан авалт хийх гэж буй вэбсайтын төлбөрийн нөхцөл, журамтай сайтар танилцсаны дараа картын мэдээллээ оруулах.
• Хэрэглэхгүй аппликэйшн, вэбсайтад холбосон картаа салгах нь таныг цахим гэмт хэрэгт өртөх эрсдэлээс хамгаална.