Хадгаламжийн байгууллага

Хуулийн дагуу бусад этгээдээс хадгаламж хүлээн авах эрх бүхий байгууллагуудыг хэлнэ.

Өгөөжийн дотоод хувийн арга

Өөр хоорондоо өрсөлдөх төслүүдээс өгөөжийн дотоод хувь хамгийн өндөртэйг сонгох арга.

Үндсэн төлбөр

Хэрэв хугацааны турш зөвхөн хүүгээ төлж ирсэн бол хугацааны эцэст нэг мөсөн төлөх үндсэн зээлийн нийт төлбөрийг хэлнэ.

Зах зээлийн гүн байдал

Зах зээл дээр тодорхой үнэт цаасыг өөр өөр үнийн түвшин бүрт худалдах, худалдан авах захиалгын тоо хэд байгаагаар зах зээлийн гүн байдлыг илэрхийлнэ. Авах зарах захиалгын тоо их байх тусам зах зээлийг гүн байна гэж үзэх ба тус үнэт цаасны хөрвөх чадварыг илэрхийлнэ

Дотоодын дэмжих үйл ажиллагаа

Компанийн зүгээс өөрсдийн ажилчиддаа дэмжлэг үзүүлэх зорилгоор авч хэрэгжүүлдэг арга хэмжээнүүд.

Салбартай банк

Банк нь нэг бус хэд хэдэн өөр байршилд банкны бүтээгдэхүүн үйлчилгээг хэрэглэгчдэд ойр болгох зорилгоор салбар банк байгуулахыг хэлнэ.

Зах зээлийн гүнзгийрэлт

Арилжаалагдаж байгаа үнэт цаасны үнийн дүнгээс хамаарсан зах зээл.

Олон улсын тусламжийн агентлагууд

Төрөл бүрийн тусламжийн үйл ажиллагаа үзүүлдэг олон улсын байгууллагууд.

Банкны хямдруулалтын арга

Хөрөнгө оруулалтын өгөөжийг тодорхойлохын тулд үнэт цаасны хямдруулалтыг жилийн 360 хоногт шилжүүлэн тооцож нэрлэсэн үнэд харьцуулдаг жилийн энгийн хүүгийн хувь.

Санхүүгийн хэрэглүүр хасах

Баланс тайлангаас санхүүгийн хэрэгслийг хасах.